Noscia publicazions

“MONDO LADINO”

• (Vèrda l indesc per Autor)
• (Vèrda l indesc de "Ousc Ladine")
• Va a la lingia de duc i "Mondo Ladino" en verscion PDF

L bolatin del ICL, metù su da Luigi Heilmann del 1977 e che anché vegn fora n’outa te n an, ge dèsc ousc a la scomenzadives e a la enrescides portèdes inant dal Istitut e l tol ite i contribuc de studiousc e spezialisć che se recognosc te n program interdisciplinèr de aprofondiment scientifich e tel medemo temp de divulgazion più lèrgia.

La tol ite studies, rassegnes e rubriches che revèrda aspec desvalives de la cultura alpina e en particolèr ladina: storia, linguistica, folclor, èrt, ambient, dinamiches sozièles. La sezion “Ousc ladines” (indesc) porta dant tesć ladins veies e neves, tant de sort folclorica, che de carater leterèr.

Ti numeres vegnui fora enscin anchecondì se troa dotrei volumes monografics de gran enteres per la tematica e per la tratazion menuda.

“MONDO LADINO QUADERNI”

Lingia paralela de la revista, la é dedichèda soraldut a problematiches e tematiches leèdes al ciamp de la scola, a la glotodidatica, a la soziolinguistica, a la formazion. La no à n termin fis de publicazion.

• Mondo Ladino Quaderni 1
• Mondo Ladino Quaderni 2
• Mondo Ladino Quaderni 3
• Mondo Ladino Quaderni 4
• Mondo Ladino Quaderni 5
• Mondo Ladino Quaderni 6
• Mondo Ladino Quaderni 7
• Mondo Ladino Quaderni 8

STRUMENTS LINGUISTICS

Vocabolères tradizionèi de la variantes del ladin fascian, dizionères modergn e gramatiches normatives che revèrda tant l fascian che l ladin standard, DILF - Dizionèr on line, materièi per corsc de alfabetisazion e per studièr enstesc con n bel regoi de toc da poder scutèr sun CD.

STUDIES E MONOGRAFIES

Studies monografics e volumes sun desvalives argoments de enrescida che revèrda l ladin, storiografìa locala, tradizions populères, memorialistica, storia de l’èrt.

TESĆ LADINS

Operes e regoetes de tesć metudes adum da folclorisć e persones col amor per la tradizions populères, dal Otcent enscin aldidanché, che documentea coche vegnia scrit per ladin per viventèr e contèr dal daite la cultura populèra: patofies e conties, usanzes e lurieres, teater, poejia e musega.

“CONTACONTiES”

Lingia de volumes ilustré, resultat de n projet portà inant per smaorèr la produzion de tesć per bec per ladin. Apede a la conties de la tradizion locala, vegn sport ence conties che vegn ca dal repertorie classich de chesta sort de letradura, e ence operes originèles de autores de anchecondì, tant ladins che no ladins.

“JENT DE FASCIA”

La lingia Jent de Fascia, na regoeta de libres curc, scempies e sorii per contèr la storia de persones che à fat e scrit la storia de Fascia. I se ouc soraldut ai bec e a la bezes, percheche ic posse se fèr ite e cognoscer la jent che con sie lurier à portà pro a modelèr la identità de la comunanza ladina fascèna, dajan l met de recognoscer amò anchecondì particolaritèdes e elemenc caraterisanc sćiantives.

Da chi tesć pea ence i autores di toc de teater che vegn spilenà ti lesc olache l é nasciù la persones de cheles che se conta la vita.

 “L DRAGONZEL”

Lingia de narativa metuda a jir en colaborazion co la Union di Ladins de Fascia per ge sporjer na ocajion de letura per ladin a tosec e a gregn: operes originèles de autores da anchecondì e traduzions de classics de la letradura.

CATALOGHES

Volumes monografics ilustré realisé en ocajion de la mostres organisèdes dal Istitut, che vel documentèr l’atività de enrescida portèda inant enlongia la esposizions dedichèdes a la cultura populèra e a l’èrt letrèda.

PRODOC MULTIMEDIèI

Cassetes video VHS, CD audio, cassetes audio, CD-Rom e DVD, che documentea l’atività leterèra, artistica e musicala de la comunanza ladina d’aldidanché.