Patrimonie etnografich  

L patrimonie etnografich del Museo Ladin l é l ejit decaranta e passa egn de enrescida, regoeta e compres da man del Istitut Cultural Ladin, col zil de documentèr duta la testimonianzes materièles e no che revèrda la comunanza ladina de Fascia.

La colezions tol ite bens demoetnoantropologics che va dai èrc da duc i dis ai ojec leé a la usanzes e a la tradizions, che à caraterisà la jent de Fascia ti secoi.

Se troa ence reperc archeologics, ducuments, fotografies e ence operes de artisć dal post, che laora te val o aboncont leé a la Ladinia.

Per esser metudes a la leta de la comunanza e les presservèr dal pericol che vae dut perdù fora, singola operes o raccolte entries ge é states donèdes al Museo da la jent, de autres enveze les é states emprestèdes o comprèdes ju. (Emprest e donazions).

L Museo sporc sia consulenza a studenc, studiousc, ensegnanc e jent che aesse enteres de enrescir vèlch argoment leà a la cultura de Fascia.

En ultima l Museo endreza mostres temporanes, ativitèdes didatiches e scomenzadives de utol a slarièr fora l patrimonie culturèl, tant en autonomia che co la colaborazion di autres enc.

• Chèrta di Servijes