Reijes

CENTO VOLTI DI DONNE
Identità, lingua e futuro: lo stage fotografico delle donne ladine

Envit al stage fotografich “Reijes”: cent musc de femenes per contèr identità e davegnir

L Istitut Cultural Ladin envia la femenes de Fascia a tor pèrt al stage fotografich “Reijes”. La scomenzadiva nasc col obietif de valorisèr l patrimonie vif de la comunità de la Èlpes e de zelebrèr la pèrt fondamentèla de la femena desche vardièna de lengaz, cultura e identità. I retrac vegnarà duré per endrezèr na mostra multimedièla itineranta.

• Can: en sabeda ai 14 e en domenia ai 15 de november, da les 9 dadoman a les 6 da sera
• Olè: te Sala Grana del Istitut Cultural Ladin, a Sèn Jan
• Per chi pa: femenes soules, gropes de amiches, conscrites, gropes de familia multigenerazionèi (giaves, mères, fies e nezes) o auter
• Co pa e don: La partezipazion la é debant e vigni partezipanta ciaparà en don sie retrat a colores te n format digitèl a auta definizion.

Per mascima l numer de 100 femenes. Da se enscinuèr dant dai 13 de november dal mesdì, tras telefon o messaje Whatsapp al numer 0462 764267, o tras e-mail info@istladin.net.

Scopri tutti gli eventi