L Archivie che no l é

L Istitut Cultural Ladin tol pèrt a Archivissima 2026: memoria, joegn e cooperazion per contèr l davegnir de Fascia tras i Archivies

Ence chest an l Istitut Cultural Ladin “Majon di Fascegn” tol pèrt a Archivissima, l Festival nazionèl dedicà a la valorisazion di archivies e de la memoria storica, che dai 4 ai 7 de jugn l tolarà ite istituzions culturèles , archivies e realtèdes teritorièles de duta la Tèlia.

L apuntament l sarà en vender ai 5 de jugn da mesa les 6 domarena aló da la Biblioteca Père Frumenzio Ghetta de la Majon di Fascegn col event “L Archivie che no l é – 130 egn de memoria cooperativa”, metù a jir en colaborazion con Fassa Coop e Radio Ladinia.

L program perveit intervents istituzionèi, espojizion de documents originèi e fotografies storiches, video-intervistes, laboratories podcast coi joegn e moments de condivijion publica del patrimonie archivistich. Anter la scomenzadives più spetèdes l é ence “La Net di Archivies”, col soranet de bec, families e partezipanc ti archivies del Istitut Cultural Ladin, anter ativitèdes tematiches, jeghes e moments de descorida dediché a la memoria del teritorie. Chesta ultima scomenzadiva la é a numer serà e aldò de prenotazion.

Per informazions e enscinuazions se pel chiamèr ite o scriver WhatsApp sul numer 0462 764267, o al link: https://forms.gle/heaSvfGEwuut51Pp7.

Comunicat stampa

Scopri tutti gli eventi