DIGICHer Project

L é peà via ofizialmenter l projet europeèn Horizon Digicher - Digitization of the cultural heritage of minority communities for equity and renewed engagement,  en cont de la digitalisation del patrimonie culturèl de la comunitèdes de mendranza, con chela de endrezèr n sistem condividù de digitalisazion di archivies (fotografics, leterères, storics e de autra sorts amò) che l sie sostegnibol dal pont de veduda culturèl, etich, giuridich, tecnologich e sozioeconomich. I ladins de Fascia i é stac touc ite tel projet dessema co la comunitèdes sami de la Laponia e dotrei comunitèdes ebrees.

L projet l é peà via enstadì a Rovaniemi, te la Finlandia e l arà na regnèda de 36 meisc te chi che la Majon di Fascegn lurarà dessema con l'Università de Vilnius, la Fondazion Europeana de Bruxelles, la Università Friedrich Schiller de Jena, l Zenter de Studies Germanics de Roma e l'Università de Trent e la comunitèdes de mendranza cernudes, estra che con de etres zentres de nonzech internazionèl.

Col ladin se va sorafora i confins!
Stajene do per de autra e neva informazions!

Vèrda l comunicat stampa per ingleis.

Scopri tutti gli eventi