I DIS DE LA DIDATICA
Scontrèdes e prejentazions
Dai 23 ai 27 de otober 2023
Museo Ladin - h. 17.00
Ence chest an l Museo Ladin porta dant n rich program de scomenzadives te l’ocajion di Dis de la Didatica, che i sarà dai 23 ai 27 de otober, duc i dis da les 17.00 te Museo Ladin. A chesta vida volon portèr inant la fona colaborazion con ensegnanc, educatores e genitores de Fascia, acioche la Majon di Fascegn posse seghitèr a dèr n sostegn de valuta a l’educazion e a la valorisazion de la cultura ladina.
Prejentazions de projec e laboratories didatics, neva publicazions e momenc de confront anter operatores del setor, dozenc e families viventarà duc i dis de la setemèna dal lunesc al vender!
