Museo Ladin de Fascia

L Museo Ladin de Fascia ne conta, tras la testimonianzes de la cultura materièla, l prozes de formazion de la comunità ladina, caaraterisèda da n lengaz sie e da na storia particolèra. Dai prumes retroaments archeologics per ruèr al dì d’anché, l percors passa da la ativitèdes de produzion al endrez istituzionèl, da la formes de la ritualità zivila e religiousa a la tradizions populères, zenza lasciar fora la esprescions artisiches da anchecondì.

• Informazion e oraries del Museo Ladin

Apede la senta de Sèn Jan, averta del 2001, fèsc pèrt del Museo ence la Sezions sul teritorie, che met coscita a la leta n percors etnografich fora per duta la val.
Te Museo se troa na sala multimedièla olache vegn fat evenc e ativitèdes didatiches portèdes dant dai Servijes Educatives, e n bookshop e museumshop con ojec da calità e gadgets esclusives.
Te la sales e te la sezions l é metù a la leta na gran pèrt de la regoetes etnografiches del Museo, apede a retrac de n’outa e curc video tematics che moscia coche vegnia durà i èrc che se veit, resultat de passa 40 egn de enrescida.

(Per en saer de più)

• Tour Virtuèl del Museo Ladin
• Audioguida Mobicult – app debant da desciarièr sul fonin (smartphone o tablet) – audio e tesć per ladin, talian, ingleis, todesch, franzous e spagnol.