Mobicult

  • 118 

Mobicult

L'APP CHE Te vida te museo

Dal 2022 encà per i vijitadores del Museo Ladin l é a la leta n suport a la vijita del museo: l’App MOBIcult, da desćiarièr sun fonin o tablet e desponibol te più lengac. L’app mena tras dut l percors del museo tras na descrizion sala per sala, da scutèr o lejer sul fonin, con aprofondiments dediché ai singoi argomenc o a ojec particolères.

L’audioguida la é da poder scutèr per talian, ladin fascian, ingleis, todesch, franzous e spagnol e la pel esser desćiarièda debant ence da cèsa, per se enjignèr a la vijita o per veder endodanef vèlch sala te n secondo moment.

«Pisson che podesse esser n bon suport per duc i vijitadores del Museo: enceben che no sie medemo che fèr na vijita vidèda, l dèsc l met de entener delvers duc i temes e de poder cerner enstesc coluns argomenc aprofondir. Per i vijitadores da foravia enveze, olache ti ultimes egn vegnia consegnà n test da lejer su papier, sarà dalbon n gran vèrech inant. Per serar su, va ence recordà che chest strument l pel esser durà dai dozenc per se enjignèr na vijita con sia clasc.»  

Chest projet è frut de n lurier de dut l team de Museo, che l é stat bon de binèr ensema duta la esperienza madurèda dai Servijes Educatives co la vijites a persones de più target, con aprofondimenc etnografics, storics e artistics, frut de duta la enrescides portèdes inant dal Museo e dal Istitut tel jir di egn.

N gran develpai ge va a la Region Autonoma Trentin-Sudtirol per l sostegn finanzièl.

  

Newsletter

To stay in contact with the Institute and the Museum and to receive our updates, register for our new newsletter service.

Majon di Fascegn