SERVIJES
No demò libres
Te Biblioteca podede no demò consultèr e tor adimprest libres, ma ence navighèr te internet per studie e enrescida, fotocopièr, scansionèr e fèr enrescides con l'aiut del personal.
EMPREST LOCAL
L servije é sport debant ai zitadins taliegn e foresć de amancol 6 egn enscinué al Sistem Bibliotecarie Trentin. Se pel tor adimprest duc i libres e DVD fora che la operes de soula consultazion (dizionères, atlanc, operes enciclopediches, operes te più volumes, documents de la Sezion storica, documents roiné, teses de laurea), i sfoes e la revistes, con l’ecezion del bolatin Mond Ladin, publicà da l'Istitut.
Te la tabela sotite vegn scrit tenc de libres e/o DVD che se pel tor adimprest tel medemo moment e per tant de temp aldò de la sort de materièl:
| Se pel tor | ||||
| Jent del post | Dis | Turisć | Dis | |
| Libres | 5 toc | 30 | 5 toc | 15 |
| Revista Mondo Ladino | 5 toc | 30 | 5 toc | 15 |
| DVD | 5 toc | 15 | 5 toc | 15 |
Autra informazions sul materièl che se pel tor adimprest se l troa a la ousc Chèrta di Servijes.
EMPREST INTERBIBLITOECARIE
Tras chest servije i utenc del Sistem Bibliotecarie pel domanèr debant operes de autra biblioteches che fèsc pèrt del Sistem Bibliotecarie Trentin, se les vegn dates adimprest. No se pel aboncont ordenèr i libres che se troa ence te la biblioteches de Fascia.
FOTOCOPIES E REPRODUZIONS
Se fèsc fotocopies da documents de la Biblioteca tel respet de la desposizions de lege. L materièl antich, manoscrit e rèr, o te condizions particolères de conservazion, pel esser reprodot, dò aer abù l’autorisazion de la Direzion, tras personal spezialisà enciarià aposta. Per i cosć lec l Regolament di Servijes de Archivie.
Autorizazion a la consultazion Tesi de Laurea
Regolament per la doura de internet
