Scrin/Screen
Projetazion e grafica:
Asteria Multimedia - Trent
Digitalisazion Audio e Video:
Lol Production - Rovereto
L Sistem Scrin/Screen l’é n strument deldut nef tel ciamp de l’archiviazion informatica e de la valorisazion del patrimonie culturèl. Documents desferenc per format e provenienza é a la leta sun suport digital e sorii da consultèr tras n portal metù a jir te la postazions multimediales de la Sala “Luigi Heilmann”, o ence tras la rei.
Scrin vel dir “Sistem Creatif de enRescida INtegrèda”, ma l ge somea ence a la parola ladina scrign, l cassanach olache vegn tegnù la robes de valor, e tel medemo temp l recorda l son de l’ingleis screen, l scherm interatif che dèsc l met de cognoscer e fèr cognoscer chest tesor.
Video e filmac etnografics, intervistes e documents de cianties populères, retrac da zacan e foto de anchecondì, schedes de catalogh di tòc de la cultura materièla, tesć, letradura e indicazions bibliografiches, pel vegnir consulté a video chierian per setores o per parola chief. N strument de gran fazion desche didament per fèr enrescides da soi, per ativitèdes de grop o ence demò per curiosità.
