#LSegnaliberCheVolesse

premiazion del concors

En sabeda ai 2 de otober l é stat, te biblioteca del Istitut Cultural Ladin, la premiazion del concors “L segnaliber che volesse”, l concors che via per l’aisciuda l à fat jir per sora la piates social del Istitut. 

N grumon de bec e bezes, giaves, mères e pères e jent de età i à volù spartir sia idees, sie recorc, n moment de sia vita passèda.

En sabeda aon podù ge fèr festa ai venjidores del concors che l é:

1. Giulia Riz e Sergio Riz

2. Joana Rabensteiner e Nereo Dezulian

3. Nadia Riz e Eugenio e Rosanna Riz

A la premiazion l era la presidenta, la diretora e la bibliotecaria del Istitut Ladin ensema a na delegazion de la mendranza linguistica de la Frijia (Olanda) en vijita te Fascia.

La bibliotecaria del Istitut Ladin ge sporc n bel Develpai a duc chi che à tout pèrt e la recorda che i segnalibres vegnarà prest valorisé te tempes e vides desvalives.

Donca siede duc envié a ne vegni do sul sit istituzionèl e su la piata facebook @te biblioteca del Istitut Cultural Ladin!

 

SERÀ L CONCORS “L SEGNALIBER CHE VOLESSE” E AVERT LA VOTAZION SU GOOGLE SURVEY!

En lunesc ai 26 de messèl aon fenì de binèr ensema i segnalibres del concors “L segnaliber che volesse”, la scomenzadiva che à adertura soterà la piates social de l’Istitut Cultural ladin e de la biblioteca.

Pissèda per festejèr i 40 egn de la biblioteca spezialistica de l’Istitut Cultural ladin, co la vertola de scontrèr e se troèr anter generazions desvalives tres la pitura e la schertura, la scomenzadiva à abù n suzess sorafora chel che se podea se spetèr. 

L’é stat bina adum ben 119 segnalibres che i é jic publiché sul sit  www.istladin.net,  metui sul grop facebook @Te biblioteca de l'Istitut Cultural Ladin e su la piata facebook @Istitut Cultural Ladin - Museo Ladin de Fascia. 

Da anché inant, a la direzion https://forms.gle/pBLP9trR9j3n8TxP9 , troarede duc i segnalibres da poder votèr amò enscin ai 21 de aost! La stimes dates sui social les jirà metudes ensema con cheles binèdes ite sun chesta piata.

Ve recordon che i dessegnes che arà più like i vegnarà duré per fèr l calandèr ladin 2022 e i prumes trei i ciaparà n pest.  Aboncont duc i dessegnes sarà stampé e dac fora a la jent te desvaliva ocajions.

Amò apede, ai 2 de otober vegnarà fat cognoscer i venjidores del concors su la piata facebook @Istitut Cultural Ladin – Museo Ladin de Fascia! Vardane su e stajene do!

 

Vesc segnalibres DA VOTèR→VèRDENE SU CHEST link

 

Istruzions e Tutorial: vèrdene do sun chest link

Regolament de la scomenzadiva: Vèrdene do sun chest link

Evenc

Shop

Newsletter

Per restèr en contat con l'Istitut e l Museo e ciapèr nesc agiornaments te envion a te enscinuèr a nosc nef servije de newsletter.

Cookies | Web Policy | Impressum | Sitemap | P.IVA 00379240229