Contest video canori - piccoliori

TOL PÈRT ENCE Tu

N CONTEST VIDEO DEDICÀ AI FRÈDES E ARTISĆ LADINS ERMANNO E VERONICA ZANONER.

L’Istitut Cultural Ladin l'endreza n contest dedicà ai doi artisć ladins moenac Ermanno Zanoner, più cognosciù co l'inom d'èrt de Luigi Canori, e sia sor Veronica Zanoner Piccoliori.

L’é na maniera desferenta e atrativa per zelebrèr e valorisèr l gran patrimonie artistich e culturèl, e soraldut la testimonianza de vita che ne à lascià i frèdes Zanoner.

Luigi Canori, cognosciù e aprijià componist e autor ladin, ne à lascià acà 30 egn, ai 28 de jené del 1991.

Veronica Zanoner Piccoliori, pitora, zipiadora e scritora ladina, ai 9 de dezember passà l'à festejà la bela età de 98 egn.

No l'é possibol, endèna, onorèr i frèdes Zanoner en prejenza, ma l vegnarà fat con n CONTEST VIDEO.

 

No serf cognoscer i 2 artisć per partezipèr al contest, ajache l'obietif l'é che sia operes les engaisse la desvaliva sensibilitèdes di partezipanc; ma tel cajo che se volessa n saer de più sun sie cont, l'é possibol se oujer a l'Istitut Cultural Ladin per la informazions o lejer la Biografia.

 

Materièl da durèr

L contest l’é out a duc: persones, gropes culturèi e de musega, cores, la scola; vegn domanà de meter en esser col fonin n curt video col contestualisèr a na vida moderna na opera cernuda anter cheles proponetes sul link che troède chiò.

Chi che à cognosciù/ cognosc i artisć enveze, i vegn envié a contribuir con n recort/testimonianza a video de chesta personalitèdes, coche i preferesc.

 

CARATERISTICHES DI VIDEO

  • Vigni partezipant vegn envià a interpretèr l’opera chierida fora tras la esprescion artistica che ge sà miec o tras n coment da prejentèr a video.
  • I video pel aer ite demò fegures, o n coment personèl vegnù fora da la letura del test de autor o da la vijion de la operes, o aer autra carateristiches originèles (test en proja su l'argoment, cianzon, rima, filmat con coment e c. i.).
  • L titol del video pel vegnir cernù, tel sotetitol cogn esser scrit l titol de l’opera de referiment e l’inom del partezipant.
  • Per chel che vèrda la operes ciantèdes, se pel cerner de les interpretèr/les prejentèr da soi, o te n grop.
  • Per i video en recort di artisć, l'autor l cognarà se prejentèr (inom, cognom, da olache l’é, e autra eventuèla enformazions enteressantes) e contèr en curt n fat o n moment particolèr vivù con ic/un de ic.
  • I lengac duré pel esser l ladin, l talian o etres idiomes, ence de mendranza.
  • La video no pel esser de più che 1 menut e mez (demò per l’interpretazion en musega la regnèda pel esser de dut l toch).
  • L'Istitut ladin durarà i materièi regoec per meter ensema n recort coletif en onor de chesta doi personalitèdes fascènes.
  • Duc i video vegnarà publiché un a un su la piata Facebook @Te biblioteca de l'Istitut Cultural Ladin.

 

CO tor pèrt

Co manèr l filmat:

  • condivider sul grop facebook @Te biblioteca de l’Istitut Cultural Ladin co l’ #luigicanori e l’ #veronicadeltinotogabana
  • manèr tras Whatsapp al numer 0462/764267
  • manèr na mail a biblioteca@istladin.net

L'é temp fin ai 28 de firé del 2021!

Recordon che per tor pèrt al Contest l’é OBLIGATORIE sotscriver l’informativa Privacy tras l model online, o stampà e manà per mail (verscion PDF)

Duc chi che tolarà pèrt al contest i ciaparà en don un di libres dac fora da l'Istitut dediché ai autores o n'autra publicazion da cerner fora.

 

Per maora informazions telefonèr al n. 0462/764267 (ence Whatsapp) o scriver a biblioteca@istladin.net.

Te speton! Deida ence tu a valorisèr la cultura ladina!

Evenc

Shop

Newsletter

Per restèr en contat con l'Istitut e l Museo e ciapèr nesc agiornaments te envion a te enscinuèr a nosc nef servije de newsletter.

Cookies | Web Policy | Impressum | Sitemap | P.IVA 00379240229