Clam 2021
Na neva enrescida soziolinguistica
“Na enrescida soziolinguistica per entener coche i stèsci lengac de mendranza sul tegnir de la region Trentin-Sudtirol e per dessegnèr tel davegnir intervenc de politica linguistica amò più aldò”
Pean via dal meis de messèl del 2021 ti raions ladins, mochen e zimber sarà metù a jir na enrescida soziolinguistica endrezèda da la Provinzia de Trent, col coordenament scientifich de l’Università de Trent - co la referenta Professora Patrizia Cordin -, l didament tecnich e sul teritorie di Istitutc ladins, mochen e zimber e la partezipazion de la Region Trentin-Sudtirol. La enrescida la é stata portèda dant e sostegnuda con gaissa dai aministradores di comuns e de la istituzions de referiment te la Conferenza de la mendranzes del 2019.
