BIBLIOTECA "PADRE FRUMENZIO GHETTA"
La Biblioteca de l'Istitut nasc del 1981, apede a la biblioteca comunèla de Sèn Jan, e la doenta autonoma desche biblioteca spezialistica demò del 1983, canche la biblioteca comunèla se tramuda te n’autra senta. Dai prumes egn '80 la fèsc pèrt del Catalogh bibliotecarie trentin e dal scomenz di egn '90 ence del Sistem bibliotecarie trentin, ge dajan l met ai utenc de poder aer azess a dut l patrimonie bibliografich e a si servijes. De otober 2014 la é dedichèda a la memoria del storich père Frumenzio Ghetta (1920-2014).
La biblioteca “Père Frumenzio Ghetta” é spezialisèda en lengaz e cultura ladina, mendranzes, linguistica, antropologìa generèla, etnografia alpina, folclor, storia locala trentina, studies de cultura materièla e letradura da mont.
La é al prum pian de l'Istitut Cultural Ladin e si patrimonie librarie é spartì anter Sezion moderna e Sezion storica.
Dut l patrimonie bibliografich l’é tel Catalogh Bibliografich Trentin e se pel l consultèr te Internet tras LibriVision a la miscion www.cbt.trentinocultura.net.
La biblioteca sporc servijes de consultazion, emprest de libres local e intebibliotecarie, didament te l'enrescida bibliografica e orientament sul materièl che l’é te senta e tinultima se pel fèr fotocopies per doura personèla
