ISTÀ 2022 PROGRAM  DE LA SETEMÈNA 

ogne lunesc, dai 4 de messèl ai 5 de setember 2022

Conties depentes, Museo Ladin

Laboratorie de decorazion ceramica rencurà da “ELEL ceramica”

La conties de la tradizion ladina les darà l’ispirazion per depenjer e decorèr picoi èrc de ceramica deldut personalisé. Ensema a Linda, esperta ceramista, se podarà se sproèr a creèr de picola operes d’èrt, n recort unich e particolèr de voscia vacanza da ve portèr a cèsa.

Per gregn e picoi dai 11 egn en su. 

orarie: 16.00, temp: 3 ores zirca

Prenotazion obligatoria al num. 0462.760182 (Museo Ladin). Se se bina aló da Museo (str. de Sèn Jan, 9 – Sèn Jan)  

priesc: € 20,00 a partezipant 

 

l STÒNT  - IL CASINO Di BERSAGLIO, vijita vidèda

L Stònt l era na postazion de tiro per la ejercitazions melitères al temp del I.R. Imperial Regio austro-ungarich, de chel che Fascia fajea pèrt. Chiò i Scizeres, milizies populères, se arcedèa a trèr al tulac. Chest l é l soul stont restà te val fin anchecondì, testamonech particolèr de na storia veiora.

orarie: 17.00

Prenotazion obligatoria al num. 0462.760182 (Museo Ladin). Se se bina aló dal Stònt (str. Pent de Sera – Ciampedel)

priesc: debant

 

ogne mèrtesc, dai 5 de messèl ai 6 de setember

LA SIA, Vijita vidèda

L’èga de la Veisc vegn durèda amò anchecondì per fèr jir la picola sia a la venezièna, tinsom la val, japede la Marmolèda. Dut l impiant l é biot de legn, fat su del 1929, fat jir d’istà per fins didatics e per moscèr coche l laora, ma ence per secodir i besegnes de la frazion de Penia. 

orarie: 11.00 

prenotazion obligatoria al num. 0462.760182 (Museo Ladin), se se bina aló da la Sia (str. de Ciamp Trujan –  Penia)

priesc: € 3,00 - debant co la Val di Fassa Guest Card

 

Giramuseo, atività per families te Museo Ladin

Per esser l protagonist de la raida ite e fora da la sales del museo ensema a tia familia, te speton te museo olache n operator didatich te tolarà ite te na endesfida anter èrc descognosciui, lurieres da zacan, tradizions e usanzes, per viver na esperienza neva e maraveousa. Aesseste mai pissà de te goder tant te n museo?

orarie: 17.00 

prenotazion obligatoria al num. 0462.760182 (Museo Ladin), se se bina aló da Museo (str. de Sèn Jan, 9 – Sèn Jan)  

priesc: € 3,00 - debant co la Val di Fassa Guest Card

 

OGNE MERCOL, DAI 6 DE MESSèL AI 7 DE SETEMBER

L MOLIN DE PÈZOL, Vijita vidèda

L Molin de Pezol l é anchecondì la soula testimonianza restèda sul teritorie del lurier di veies molinees. Endèna la vijita, anter storia e tecnica che vegn contà, se podarà veder l funzionament del molin  daite e defora, la roa, la trei gran rodes che fèsc jir l pestin dal orc e la doi moles per la bièves. 

orarie: 17.00 

prenotazion obligatoria al num. 0462.760182 (Museo Ladin), se se bina aló dal Molin (str. Jumela, 18 – Pera)

proesc: € 3,00 - debant co la Val di Fassa Guest Card

                               

ognE JEBIA, DAI 7 DE MESSèL AI 8 DE SETEMBER

Vijita vidèda al Museo Ladin

Endèna la vacanza no pel mencèr na vijita al Museo Ladin per cognoscer la cultura e la tradizions di Ladins de Fascia, varean fora per la storia de la val da la pruma jent ruèda cassù te la preistoria a la descorida de la Dolomites, traversan l’epoca di pèstres e di bachegn, de sia usanzes e costumanzes. 

orarie: 17.00 

prenotazion obligatoria al num. 0462.760182 (Museo Ladin), se se bina aló da Museo (str. de Sèn Jan, 9 – Sèn Jan)  

priesc: € 5,00 (entrèda+vijita vidèda) - debant co la Val di Fassa Guest Card

Met vèrda: per gropes endrezé, se pel fèr la vijita da les 11:00 dadoman su prenotazion, dant che sie fora mèrtesc 

 

OGNE VENDER, DAI 8 DE MESSèL AI 9 DE SETEMBER

L MALGHIER, Vijita vidèda

Te la sezion de la Mèlga de Fascia se podarà cognoscer la storia de l’economia de la Val, che la se pojèa sul jir a pèst sa mont; veder i èrc tradizionèi per lurèr l lat e fèr smauz e formai e i filmac su la moderna tecniches de produzion e conservazion. A la fin de la vijita, se chi à gust, se podarà ence se endeletèr a fèr mingol de smauz.  

MET VÈRDA: per costion sanitères, no se pel vijitèr la sales de produzion de la Mèlga.

orarie: 17.00 

prenotazion obligatoria al num. 0462.760182 (Museo Ladin), se se bina aló da la Mèlga (str. Dolomites, 233 – Pera)

priesc: € 3,00 - debant co la Val di Fassa Guest Card

 

OGNE SABEDA, DAI 9 DE MESSèL AI 10 DE SETEMBER

L Segat, Vijita vidèda

La sia sa Meida l é la sezion del Museo Ladin dedichèda al lurier te bosch. De gra a na espojizion da marevea se podarà entener l valor che à semper abù l bosch per la Comunità de Fascia, descorir la desvaliva sorts de piantes che cresc te val e cognoscer la trei maora profescions che à a che veder col legnam: chela del boschier, del segat e del marangon.

orarie: 17.00 

prenotazion obligatoria al num. 0462.760182 (Museo Ladin), se se bina aló da la sia de Meida (str. Ruf de Ruacia – Poza, visavì l’hotel Valacia).

priesc: debant

Evenc

Shop

Newsletter

Per restèr en contat con l'Istitut e l Museo e ciapèr nesc agiornaments te envion a te enscinuèr a nosc nef servije de newsletter.

Cookies | Web Policy | Impressum | Sitemap | P.IVA 00379240229