#lSegnaliberCheVolesse

Regolament

La scomenzadiva L Segnaliber che volesse, endrezèda da l’Istitut Cultural Ladin de Fascia su la piataforma facebook l’à desche obietif chel de binèr ensema fegures che testimoniee tres l dessegn e la schertura (pitures, collage, e c.i.) la partegnuda a la cultura ladina. L’argoment cernù “dessegna e scrif n pensier che posse raprejentèr la cultura ladina” l vel esser testamonech intergenerazionèl de generazions desvalives che se troa: i veies e i joegn.

Chi che vel tor pèrt a la scomenzadiva I cogn manèr ite la foto de sie lurier te na bona ressoluzion a la mail biblioteca@istladin.net opura Whatsapp al numer 0462.764267 dant dai 30/06/2021.

I prumes tredesc classifiché i ciaparà n gadget originèl de l’Istitut Cultural Ladin e duc podarà veder sia operes publichèdes, stampèdes e metudes a la leta de duta la jent con segnalibres, calandères e vèlch autra bela marevea. L’é pervedù ence la publicazion sul sit www.istladin.net. e condividudes sul grop facebook Te biblioteca de l'Istitut Cultural Ladin e su la piata facebook Istitut Cultural Ladin – Museo Ladin de Fascia.

La scomenzadiva no la é sponsorisèda, aministrèda o consozièda a facebook.

Art. 1 – Istituzion

La scomenzadiva facebook la é de l’Istitut Cultural Ladin

Art. 2 –Sort de opera

La operes pel esser dessegnes e paroles de operes artistiches personèles o toutes fora da la tradizion ladina creèdes neves o proponetes endò aposta per chesta scomenzadiva.

Art. 3 – Regoles per tor pèrt

La scomenzadiva la é averta a duc. Duc pel tor pèrt Zenza cosc’.

Art. 4 – Tempes

La scomenzadiva pea via ai 15/05/2021 e la fenesc ai 30/06/2021.

Art. 5 - Modalità de partezipazion

Cogn vegnir fat fotografies di dessegnes e de la paroles da manèr ite te na bona ressoluzion a la direzion mail biblioteca@istladin.net opura via Whatsapp al numer 0462.764267 dant dai 30/06/2021.

I lurieres, te sia forma originèla i cogn vegnir tegnui su. Tel cajo che i venjessa, i vegnarà domané e fotografé per vegnir stampé a livel profescionèl sui segnalibres de papier.

Duta la fotografies vegnarà publichèdes sul sit www.istladin.net e condividudes sul grop facebook Te biblioteca de l'Istitut Cultural Ladin e su la piata facebook Istitut Cultural Ladin – Museo Ladin de Fascia.

A partir dai 15/05/2021 e fin ai 30/06/2021 sarà possibol dèr jù la stima per la fegura col dessegn e l pensier più bel metù su facebook tres la funzion «like». I venjidores ciaparà n pest e duc vedarà sia operes publichèdes, stampèdes e metudes a la leta de duta la jent con segnalibres, calandères e vèlch autra marevea.

Art. 6 –Venjidores

La tredesc fegures che arjonjarà l maor numer de “like” sun sia fotografia condividuda da la biblioteca sul grop facebook Te biblioteca de l'Istitut Cultural Ladin e su la piata facebook Istitut Cultural Ladin – Museo Ladin de Fascia sarà la pruma tredesc classifichèdes. Recordete de ge fèr meter a tie amisc n like a tie dessegn sul grop facebook Te biblioteca de l’Istitut Cultural Ladin. Tegn a ment che i like sun tie profil privat no vegnarà dombré

Art. 7 - Responsabilità e oblighes

A tor pèrt a chest avis i autores de la fotografies conferma e i sostegn che:

- la foto manèdes ite per la scomenzadiva les é states fates da ic medemi;

- la foto no moscia nia de scandalous, de sessuèl, de violent, de ofensif o de descredit;

- la foto no moscia nia de discriminant per ses, etnia e religion;

- la foto no à nesciun referiment politich;

- i autores à abù la permiscion de publichèr la foto olache se veit autra persones estra i sogec che l’é su;

- l’é responsabilità de ogne partezipant se cruzièr che la publicazion de la fotografies no soscede nesciuna denunzia per dan legal;

- l comitat organisator à l derit de no ameter a la scomenzadiva la fotografies che no passenea e che no respon ai criteries sora scric.

Art. 8 – Publicazions

La fotografies podarà vegnir durèdes autra outes da l’Istitut e da la biblioteca e publichèdes sui stampac, sui sic Internet e i profii social con finalitèdes istituzionèles de promozion. L’autor de la foto l ge zede duc i deric del lurier a l’Istitut Cultural Ladin de Fascia che l podarà se emprevaler a piajer. Ogne outa che vegn publicà su facebook o istagram, vegnarà cità l’autor con sie inom. La partezipazion a la scomenzadiva sotenten che se à let e azetà i termegn pervedui e dat l consens al tratament di dac personèi.

Art. 9 – Pesć

I prumes tredesc classifiché i ciaparà n gadget originèl de l’Istitut Cultural Ladin de Fascia.

Art. 10 – Anunzie venjidor

I venjidores sarà i autores de la fotografies che arà arjont l maor numer de “like” sun sia fotografia postèda sul grop facebook Te biblioteca de l'Istitut Cultural Ladin e su la piata facebook Istitut Cultural Ladin – Museo Ladin de Fascia. a partir dai 15/05/2021 e fin ai 30/06/2021. I venjidores, n’outa jit fora l termen del concors, i vegnarà contaté per mail da l’Istitut Cultural Ladin ti dis dò la fin de la scomenzadiva.

Art. 11 – Publicazion

Chest avis l’é publicà sul sit https://www.istladin.net/it/lsegnaliberchevolesse e sui social network de l’Istitut Cultural Ladin.

Art. 12 - Tratament di dac personèi

I dac personèi del venjidor vegn traté tel respet de la normativa perveduda dal Regolament UE 2016/679 e dal D. lgs. 196/2003 e m.f.d. L’informativa entria la é da veder sul sit www.istladin.net.

Evenc

Shop

Newsletter

Per restèr en contat con l'Istitut e l Museo e ciapèr nesc agiornaments te envion a te enscinuèr a nosc nef servije de newsletter.

Cookies | Web Policy | Impressum | Sitemap | P.IVA 00379240229