Orida da d'istà del Museo Ladin

Dai 10 de jugn l Museo Ladin aur endò sie ujes al publich co l’orarie da d’istà: dal lunesc a la sabeda da les 10.00 a le 12.30 e da le 15.00 a le 19.00. Per dut l meis de jugn pea via ence na gustegola scomenzadiva outa a envièr fascegn e foresć a jir te Museo Ladin e, con chesta vertola, fèr na paussa te bar de la Coprativa.

A duc chi che jirà a proveder te Coprativa Val de Fascia a Sèn Jan e ence te duta sia filiales ge vegnarà dat a la cassa n biliet che dèsc derit a jir te Museo a n priesc rebassà (1.00€ per la jent da chiò, 3.00€ per i foresć); alincontra, duta la jent che jirà te Museo ciaparà na zedola de rebas da durèr tel bar del Fassa Coop.

Fossa ence na bona vertola per tor pèrt a na vijita vidèda te Museo (da prenotèr dantfora), sporta debant a duc chi che à piajer de cognoscer amò miec noscia cara e enteressanta cultura, storia e identità ladina.

Dai 10 ai 30 de jugn 2021

  • Biliet de entrèda al Museo a 1.00/3.00 €
  • Zedola de rebas per l bar del Fassa Coop
  • Vijites vidèdes debant – con prenotazion obligatoria al num. 0462/760182 (ence tras whatsapp)

Evenc

No l'é evenc en program.

Shop

Newsletter

Per restèr en contat con l'Istitut e l Museo e ciapèr nesc agiornaments te envion a te enscinuèr a nosc nef servije de newsletter.

Cookies | Web Policy | Impressum | Sitemap | P.IVA 00379240229