RAIDA Virtuèla “dolomitization"

Fondazion Dolomites Unesco

Dal meis de firé inant l Museo Ladin de Fascia met a la leta de duc i vijitadores la raida virtuèla Dolomitization, n prodot multimedièl per descorir la Dolomites Patrimonie Mondièl, metù a jir da la Fondazion Dolomites Unesco.

Totem DolomitizazionDe gra a n totem multimedièl touchscreen se podarà scomenzèr via con gaissa na vijita virtuèla di paesajes dolomitics, tras l’esplorazion de arees interatives deleìte da maraveousa vedudes fotografiches a 360°. La raida dèsc l met de jir tel menu di aspec scientifics, naturèi, archeologics, culturèi e storics touc ite ti lesc dolomitans.

Dolomitization l’é n jech interatif che se pel fèr a desvalives livìe, a la leta per talian, ingleis e todesch. Na sort de ciacia al tesor per duc chi che vel veder cotant che i sà en cont di nef (9) sistemes dolomitics del Ben Unesco, tras l’esplorazion de l’arzipelagh fossil, anter giacees, dinosaures, isoles veiores, storia e preistoria. A na vida gustegola, se empèra a cognoscer miec i valores universèi recognosciui da l’Unesco col didament de schedes de aprofondiment e jeghes. Dalajà che duc sion mingol geologhes, paesajisć, conservadores, esploradores. A la dir duta, curiousc de descorir semper neva prospetives per entener l patrimonie zis rich de la Dolomites.

Maora informazions su https://www.dolomitiunesco.info/dolomitization-scoprire-le-dolomiti-divertendosi/

Evenc

No l'é evenc en program.

Shop

Newsletter

Per restèr en contat con l'Istitut e l Museo e ciapèr nesc agiornaments te envion a te enscinuèr a nosc nef servije de newsletter.

Cookies | Web Policy | Impressum | Sitemap | P.IVA 00379240229