Calandèr ladin 2022 e NEVA AGENDA DA DESCH

COI SEGNALIBRES DEL CONCORS “L SEGNALIBER CHE VOLESSE”

"Generazions desvalives
dèsc color al nef an che rua:
paroles, dessegnes, recorc
che va fora de stua
per doventèr emozions zenza temp.
N calandèr ladin deldut desferent
de la majon di fascegn e de sia jent."

Alberta Rossi del Baila

 

L 2021 l é stat l an de la zelebrazions per i 40 egn de la biblioteca del Istitut Cultural Ladin e i 20 egn de la neva senta del Museo Ladin de Fascia.

Una de la scomenzadives che più à caraterisà chest an tant particolèr l é stat l concors L Segnaliber che volesse, nasciù desche ocajion per se scontrèr e tor ite duta la jent de Fascia, soraldut jent de età, bec e joegn, che più che zenza à padì la pesoca situazion de la pandemia.

Dotrei de chisc segnalibres é stac cernui fora per viventèr l Calandèr ladin 2022 che, dal an che vegn, apontin per jir do l vièl de na neva idea de cultura ladina, l vegnarà perferì ence te la verscion de agenda da desch e che l Istitut Cultural ladin à volù ge fèr ruèr chest an a duc i ofizies publics e ai ofizies de la scola de Fascia.

N’autra neva del Calandèr ladin 2022 l é che l é vegnù stampà da na Coprativa Sozièla con un font particolèr per didèr a lejer chi che fèsc fadìa.

Co la speranza che chesta scomenzadiva, nasciuda da la colaborazion col teritorie, la posse se vadagnèr chel medemo bon ejit che à abù l concors, l Istitut ge disc Develpai al Fassacoop Center, a la Families Copratives de Ciampedel e de Moena per l didament che i dèsc vigni an per sostegnir i cosć de stampa del Calandèr da mur e per dèr fora i calandères a duta la jent e ence a la Region Trentin Sudtirol per l contribut a la stampa de la agendes da desch.

Vèrda l comunicat stampa

Evenc

Shop

Newsletter

Per restèr en contat con l'Istitut e l Museo e ciapèr nesc agiornaments te envion a te enscinuèr a nosc nef servije de newsletter.

Cookies | Web Policy | Impressum | Sitemap | P.IVA 00379240229