luli e i colores

n nef liber per bec dat fora da l’Istitut Cultural Ladin e dal Comun General de Fascia

“Luli e i colores” l’é na neva publicazion de l’Istitut Cultural Ladin en colaborazion col Comun General de Fascia, scrita da Arianna Iori coi dessegnes de Romana Andêlová.

L’é na contìa pissèda apontin per i più picoi, con protagonist n strion che à inom LULI, aiegher e curious, che con sia bacheta magica vel encolorir dut l mond e meter mingol de magìa dutintorn: con el, emparèr l’inom di colores per ladin sarà tras sorì!

Dalajà che no l’é stat possibol envièr la families te Museo Ladin per l portèr dant, aon volù che l ge rue desche don a duc i bec de la scolines e di Tagesmutter de Fascia.

Se dapodò aede voa de didèr Luli a fèr doventèr dalbon spezièl chest Nadèl, proà a ve enjignèr na bacheta desche la sia, co na steila su la ponta del color che ve sà più bel. No ocor auter che n picol bachet o na canela per beiver, n toch de papier gros da taèr fora, mingol de scotch per i tachèr ensema e duta voscia fantasìa per la fèr amò più bela.

Se druchède chiò, troède dotrei dessegnes da stampèr e da encolorir che Luli à enjignà per vo!

E canche la sarà vertia, manà la foto de voscia bachetes e de vesc dessegnes a la direzion mail didattica@istladin.net o meté l tag @museoladindefascia su voscia piates social: Luli sarà content de i veder!

Aboncont  l liber se l troa ence da comprèr te Istitut Cultural Ladin (e te Museo Ladin cò l’orirà endodanef dai 16 de jené) o se l pel ordenèr dal sit internet.

 

Vèrda l Comunicat stampa

 

Evenc

No l'é evenc en program.

Shop

Newsletter

Per restèr en contat con l'Istitut e l Museo e ciapèr nesc agiornaments te envion a te enscinuèr a nosc nef servije de newsletter.

Cookies | Web Policy | Impressum | Sitemap | P.IVA 00379240229