Banner
L SEGNALIBER CHE VOLESSE
I segnalibres del concors “L SEGNALIBER CHE VOLESSE” doventa TEILA per fornir su nesc paijes co l’identità e la cultura ladina!
L bon ejit del concors “L segnaliber che volesse”, endrezà via per l 2021 da la Biblioteca ladina “Père Frumenzio Ghetta” de la “Majon di Fascegn”, l à dat gaissa de durèr pèrt di dessegnes rué ite ence per meter en esser na campagna identitèra sul teritorie, per seghitèr a meter en pratega l obietif de “jir fora per la strèdes” e fèr viver l Istitut fora dai ujes de l'istituzion.
I segnalibres regoec i é stac duré per l calandèr e l planner ladins 2022, publiché sul sit del Istitut ladin e sui social e, da anché enscin la fin de otober, na pèrt se la vedarà tachèda fora te duta Fascia tres de bela gran teiles da color. L zil l é de chiamèr endò l'atenzion su l'emportanza de engaissèr la jent a viver sia identità.
L é na vida desvaliva, da color e feruscola per ge dèr na neva parbuda a nesc paijes, percheche la “Majon di Fascegn” l é l'istituzion ladina per ezelenza, ma l é ence e soraldut Fascia, majon belapontin, cèsa di fascegn e lech olache la jent cogn stèr bel sorì, per viver o per passèr sia vacanzes.
