Setemèna de la Didatica

21-25 de november 2022 

Scontrèdes resservèdes ai bec e ai dozenc de la scola Ladina de Fascia

PIGUI EXPERIENCE, JECH DE REALTÀ VIRTUÈLA

Dai 21 ai 25 de november te Museo Ladin

La pruma esperienza de realtà virtuèla te Fascia, metuda a jir en antepruma per i bec e i dozenc de la Scola Ladina de Fascia

I Servijes Educatives à l piajer de envièr bec e dozenc te Museo Ladin a tor pèrt a la esperienza de realtà virtuèla: Pigui Experience. L é e n projet portà dant da la Majon di Fascegn dassen inovatif da poder proèr pean via dai 2 de dezember te Museo.

  • Da lunesc a vender via per l dadoman la clasc IV de la Scola Popolèra de Fascia arà l met de tor pèrt al nef jech virtuèl ambientà tel vilaje di Pigui.
  • En lunesc ai 21, en mèrtesc ai 22 e en jebia ai 24 de november domarena ence duc i ensegnanc de la Scola Ladina podarà proèr l jech virtuèl dantfora. Se cogn demò se prenotèr chiaman ite te Museo 0462.760182 o online sul link resservà. L jech dura en dut no più che mesora e l vegn sport deldut debant demò te chesta ocajion.

Se trata de na ocajion emportanta per sperimentèr na didatica inovativa che la tolarà ite te na esperienza deldut neva, moderna e deletegola, ma tel medemo temp educativa e formativa.

JENT DE FASCIA. PÈRE FRUMENZIO GHETTA

En jebia ai 24 de november da les 11 inantmesdì te Biblioteca Ladina alò dal Istitut Cultural Ladin “majon di fascegn”

Prejentazion del liber che conta la vita del storich fascian per n grop de studenc e ensegnanc de la Scola Ladina e distribuzion de la publicazion a duta la clasc V de la Scola Populèra e I e II de la Scola Mesèna de Fascia

 

Scontrèdes avertes a duta la jent

A chesta scontrèdes pel tor pèrt, estra che educatores e ensegnanc, ence genitores, families e jent che à gust de saer zeche de più su la scomenzadives per bec metudes a la leta da la Majon di Fascegn

la perferida didatiches de la Majon di Fascegn

En mercol ai 23 de november da mesa les 4 domesdì te Biblioteca Ladina alò dal Istitut Cultural Ladin “majon di fascegn”

Scontrèda de cognoscenza e confront con ensegnanc, educatores e families

Vegnarà portà dant la lingia di materièi e strumenc didatics e educatives dac fora da la Majon di Fascegn a la leta per ensegnèr e emparèr ladin.

BEC CHE LEC, BEC CHE CRESC

En mercol ai 23 de november da mesa les 5 domesdì te Biblioteca Ladina alò dal Istitut Cultural Ladin “majon di fascegn”

Scontrèda averta ai educatores di fantolins e a duc chi che à interess e gust

Vegnarà portà dant l nef projet de valorisazion de la storica lingia di libres per bec Contaconties.

               

Veranstaltungen

Shop

Newsletter

Um stets den Kontakt zum Institut und dem Museum zu halten und stets auf dem Laufenden zu sein bitten wir Sie, sich für unseren neuen Newsletter-Service anzumelden.

Cookies | Web Policy | Impressum | Sitemap | P.IVA 00379240229