• 51 

NOSCIA PUBLICAZIONS

“Mondo ladino”

(vèrda l'indesc per Autor)

(vèrda l'indesc de "Ousc Ladine")

 

Mondo Ladino 2008

Mondo Ladino 2009

Mondo Ladino 2010

Mondo Ladino 2011

Mondo Ladino 2012

Mondo Ladino 2013

Mondo Ladino 2014

Mondo Ladino 2015

Mondo Ladino 2016

 

L bolatin de l’ICL, metù sù da Luigi Heilmann del 1977 e che anché vegn fora n’outa te n an, ge dèsc ousc a la scomenzadives e a la enrescides portèdes inant da l’Istitut e tol ite i contribuc de studiousc e spezialisć che se recognosc te n program interdisciplinar de aprofondiment scientifich e tel medemo temp de divulgazion più grana.

La tol ite studies, rassegnes e rubriches che revèrda aspec desvalives de la cultura alpina e en particolèr ladina: storia, linguistica, folclor, èrt, ambient, dinamiches sozièles. La sezion “Ousc ladines” (indesc) porta dant tesć ladins veies e neves, tant de sort folclorica, che de carater leterèr.

Ti numeres vegnui fora enscin anchecondì se troa dotrei volumes monografics de gran enteress per la tematica e per la tratazion menuda.

 

“Mondo ladino Quaderni”

Serie paralela de la revista, la é dedichèda soraldut a problematiches e tematiches leèdes al ciamp de la scola, a la glotodidatica, a la soziolinguistica, a la formazion. La no à n termin fis de publicazion.

Struments linguistics

Vocabolères tradizionèi de la variantes del ladin fascian, dizionères modergn e gramatiches normatives che revèrda tant l fascian che l ladin standard, Dizionèr eletronich sun CD-Rom (DILF), materièi per corsc de alfabetisazion e per emparèr da soi con cassetes audio.

Studies e monografìes

Studies monografics e volumes sun desvalives argoments de enrescida che revèrda l ladin, storiografìa locala, tradizions populères, memorialistica, storia de l’èrt.

Tesć ladins

Òperes e regoetes de tesć metudes adum da folclorisć e persones con l’amor per la tradizions populères, da l’Otcent enscin aldidanché, che documentea la doura de la scritura per ladin per viventèr e contèr dal daìte la cultura populèra: patofies e contìes, usanzes e lurieres, teater, poejìa e mùsega.

Aneta - opera lirica

“Contacontìes”

Serie de volumes ilustré, resultat de n projet portà inant per smaorèr la produzion de tesć per bec per ladin. Apede a la contìes de la tradizion locala, vegn sport ence contìes che vegn cà dal repertorie classich de chesta sort de letradura, e ence òperes originèles de autores de anchecondì.

“L dragonzel”

Serie de contìes realisèda en colaborazion con l’Union di Ladins de Fascia per ge sporjer na ocajion de letura per ladin a tosec e a gregn; òperes originèles de autores de anchecondì e traduzion de classics de la letradura.

Cataloghes

Volumes monografics ilustré realisé en ocajion de la mostres organisèdes da l’Istitut, che vel documentèr l’atività de enrescida che vegn portà inant enlongia la esposizions dedichèdes a la cultura populèra e a l’èrt ”colta”.

Prodoc multimediai

Cassetes video VHS, CD audio, cassetes audio, CD-Rom e DVD, che documentea l’atività leterèra, artistica e musicala de la comunanza ladina d’aldidanché.

Evenc

No l'é evenc en program.

Shop

Newsletter

Per restèr en contat con l'Istitut e l Museo e ciapèr nesc agiornaments te envion a te enscinuèr a nosc nef servije de newsletter.

Privacy Newsletter | Cookies | Privacy | Impressum | Sitemap | P.IVA 00379240229