Web policy

INFORMATIVA SUL TRATAMENT DI DAC PERSONÈI DI UTENC DEL SIT INTERNET DE L'ISTITUT CULTURAL LADIN, aldò de l’art. 13 Regolament (UE) 2016/679

Stimà utent, stimèda utenta, chest document é scrit aldò de l'art. 13 del Reg. (UE) 2016/679 (G.D.P.R.) e ge va dò a la Racomanazion n. 2/2001 che revèrda i requisic minimai per la regoeta de dac personèi on-line te l'Union Europeèna, adotèda ai 17 de mé del 2001 del Grop metù sù da l'art. 29 de la diretiva n. 95/46/CE.

L’à l zil de spezifichèr la modalitèdes de gestion del sit web ofizièl de l'Ent per chel che vèrda l tratament di dac personèi di vijitadores che vegn o pel vegnir identifiché, che i lo consulta e che interagesc con el.

En particolèr, la informazions revèrda:

  • Titolèr del Tratament
  • Responsabol de la protezion di dac
  • Zil del tratament
  • Basa giuridica del tratament
  • Sorts de dac traté
  • Lech del tratament di dac
  • Comunicazion di dac a etres sogec
  • Facoltatività del conferiment di dac
  • Modalità de tratament e temp de mantegniment di dac
  • I deric de l'enteressà e co se emprevaler di medemi

L'informativa cogn esser leta con atenzion dant de manèr ite ogne sort de informazion personèla tras la compilazion di mòdui eletronics che se troa sul sit enstes.

L'informativa revèrda demò chest sit e no ence i etres sic web che podessa esser consulté da l'utent tras link.

 

TITOLÈR DEL TRATAMENT DI DAC

  • L Titolèr del tratament di dac personèi l’é l' ISTITUT CULTURAL LADIN con senta en Strèda de la Pieif, 7 / Vich– 38036 Sèn Jan TN Tel.+39.0462 764267 Fax +39 0462 764909 e.mail: info@istladin.net 

 

RESPONSABOL DE LA PROTEZION DI DAC

  • L responsabol de la protezion di dac l’é QSA S.r.l - Engineering Consulting Training, con senta a 38037 Predazzo, Via Marconi 37 (TN) e-mail: privacy@qsa.it p.e.c.: privacy.qsasrl@pec.it 

 

ZIL DEL TRATAMENT

  • I dac di Utenc é touc sù e duré per permeter la navigazion sul Sit, per miorèr l'esperienza de navigazion e ence per permeter la prenotazion o responer a domanes e comunicazions da pèrt di Utenc.
  • NEWSLETTER E ATIVITÀ DE PROMOZION CULTURÈLA: dò de aer abù l consens de l'utent e enscin canche no l vegn tout demez, per meter a jir atività de comunicazion, divulgazion e promozion de la ativitèdes culturèles realisèdes (desche per ejempie: newsletter, materièl promozionèl).

 

BASA GIURIDICA

  • I dac personèi oget de chesta piata é traté da l'ent tel portèr inant sie doveres de enteress publich o aboncont leé a l'ejercizie de sie poderes publics, e più avisa per meter al luster la ativitèdes culturèles realisèdes da l'ent tel chèder de la valorisazion linguistica de la mendranza che l stravèrda, e ence su la basa del consens che l'Utent à dat per un o de più zii spezifics.

 

SORTS DE DAC TRATÉ

  • Dac de navigazion: I sistemes informatics e la prozedures software che fèsc jir chest sit web tol sù, per poder jir coche carenea, valgugn dac personèi trasmetui a na vida implizita te la doura di protocoi de comunicazion de Internet. Se trata de informazions che no vegn toutes sù per esser leèdes a enteressé identifiché, ma che per sia natura podessa, tras elaborazions e sociazions con dac en possess de etres, permeter de identifichèr i utenc. Fèsc pèrt de chesta categorìa de dac la direzions IP o i inomes a dominie di computeres duré dai utenc che se taca ite tel sit, la direzions te notazion URI (Uniform Resource Identifier) de la ressorses domanèdes, l'orarie de la domana, la vida de portèr dant la domana al server, la dimenscion del file otegnù en resposta, l codesc numerich che moscia l stat de la resposta data dal server (bon ejit, fal, e c.i.) e etres parametres che revèrda l sistem operatif e a l'ambient informatich de l'utent. Chisc dac vegn duré demò per trèr fora informazions statistiches anonimes su la doura del sit e per controlèr che l vae delvers e i vegn conservé demò per l temp che l’é de besegn. I dac podessa vegnir duré per zertèr la responsabilità tel cajo de reac informatics che podessa vegnir fac contra l sit. Te ogne cajo, i dac touc sù tras l sit web no vegnirà comuniché, per neguna rejon, semper che no se trate de domana legitima da pèrt de l'autorità giudizièra e/o ti soi caji pervedui da normes de lege o de regolament.
  • Dac zedui per sia volontà da l'utent: L'envie facoltatif, esplizit e volontèr de messajes a la direzions de contat de l'Ent, la compilazion e l’envie di mòdui che se troa sul sit, à desche ejit l'otegniment di dac de contat de chi che li à mané, nezessères per la responeta, e ence de duc i dac personèi scric te la comunicazions.

 

LECH DEL TRATAMENT DI DAC

  • I trataments leé ai servijes web de chest sit vegn fac te la senta de l'Ent e demò da personal tecnich autorisà al tratament, o sencajo da sogec autorisé a fèr candenó operazions de manutenzion.

 

COMUNICAZION DI DAC A ETRES SOGEC

  • Tout fora l cajo del tratament metù a jir da etres sogec enciarié da l'Istitut Cultural Ladin per la gestion del Sit, nominé desche responsaboi del tratament aldò de l'art. 28 del Regolament (UE)2016/679, nesciun dat binà sù tel cors de la navigazion sul Sit da pèrt di Utenc vegn comunicà a etres sogec o dat fora.

 

FACOLTATIVITÀ DEL CONFERIMENT DI DAC

  • A pèrt chel che l’é stat dit per i dac de navigazion, tel durèr o cunsultèr chest sit i utenc azeta esplizitamenter chesta informativa e dèsc sie consens al tratament di dac personèi en relazion a la modalitèdes e a la finalitèdes descrites, e ence la comunicazion a etres sogec, se l’é debesegn per meter a jir n servije. L conferiment di dac, e donca l consens a la regoeta e al tratament di dac, l’é facoltatif; l'utent pel neèr l consens e l pel tor demez te ogne moment n consens jà dat (se ujan al Prepost). Aboncont, neèr l consens pel comportèr l'empossibilità de sporjer valgugn servijes e l'esperienza de navigazion tel sit podessa no garatèr.

 

MODALITÀ DE TRATAMENT E TEMP DE MANTEGNIMENT DI DAC

  • dac personèi é traté tras struments automatisé metan a jir mesures de segureza che garantesc la resservateza di dac personèi e che stravèrda da doures no lezites e no dretes e dai azesc de sogec no autorisé. Per la maor trasparenza e en via generèla, vegn fat a saer che i dac regoec vegnarà duré demò per sporjer l servije domanà e demò per l temp che ocor per meter en doura l servije e per arjonjer i zii per chi che i é stac biné sù.

 

DERIC DI ENTERESSÉ

  • 'utent podarà se emprevaler, ti confronc del Titolèr e te ogne moment, di deric pervedui dal Regolament, duran i mòdui aposta chiò sotite o i contac dic dant. Aldò de la normativa en doura l podarà:
    • domanèr l'azess a sie dac personèi (art. 15);
    • se i fossa falé o no complec, domanèr sia corezion o integrazion (art. 16);
    • se l’é la condizions normatives, se oponer al tratament de sie dac (art. 21), domanèr sia descancelazion (art. 17), o se emprevaler del derit de limitazion (art. 18).
  • I enteressé podarà se oujer al Responsabol de la protezion di dac per duta la costions sul tratament di dac personèi e per se emprevaler de sie deric, stabelii da l’art. 15 e artt. dò del Reg. (UE) 2016/679.

 

DERIT DE RECLAM

I enteressé che peissa che l tratament di dac personèi che li revèrda, metù a jir tras chest sit, vegne fat en violazion de chel che l’é pervedù dal Regolament, i à l derit de portèr dant n reclam al Garant, descheche l’é pervedù da l'art. 77 del Regolament enstes, o de se oujer a la sentes giudizières aldò (art. 79 del Regolament).

Evenc

No l'é evenc en program.

Shop

Newsletter

Per restèr en contat con l'Istitut e l Museo e ciapèr nesc agiornaments te envion a te enscinuèr a nosc nef servije de newsletter.

Privacy Newsletter | Cookies | Privacy | Impressum | Sitemap | P.IVA 00379240229