• 52 

MUSEO LADIN DE FASCIA

Ideazion e projetazion:

Cesare Poppi
Fabio Chiocchetti

Équipe museografica:

Stefano Dell’Antonio
Francesca Giovanazzi
Mara Vadagnini

Projet de alestiment:

Weber & Winterle architetti associati con Ettore Sottsass 

Aparac grafics:

Giancarlo Stefanati

Suporc multimediai:

Asteria multimedia

La senta del Museo Ladin de Fascia, inaugurèda del 2001, met a la leta de la jent la colezions etnografiches de l’Istitut Cultural Ladin, frut de vint egn de enrescides, ordenèdes dò criteries prezisc e dedichèdes ai desvalives aspec de la ziviltà ladina.

L Museo Ladin, projetà te sie fondaments jà ti egn 1978-79, l’é l spieie de na comunanza viva e forta te sia coscienza, caraterisèda da sie lengaz, da n teritorie e da na storia particolères: chel che l’esposizion vel moscèr l’é l prozess de formazion de n pòpul, o etnogenesi, col didament de la testimonianzes de la cultura materièla e spirituèla dal scomenz enscin anchecondì. 

N retrat de vitalità che se spieia te la strutura espositiva, projetèda sot la direzion de Ettore Sottsass desche lech de stamp contemporan, olache la cultura de la mendranza ladina troa sia definizion te sia dimenjion de atualità.

Un di aspec de maor segnificat te la strutura l’é l Sistem de Suport Multimedial (SSM), n sistem de 17 ponts informatives, controlé da na rei de computer e da comanèr tras touch-screen interatives, loghé fora per dut l percors espositif: de gra a chisc, l vijitador à a la leta 74 curc filmac monotematics che revèrda tòc o aspec de l’esposizion, co l’audio originèl e tesć te più lengac.

Apede la sales espositives, l Museo à ence n magasin che se pel vijitèr, na Sala Multimedia per l'atività didatica, n book-shop e museum-shop con ogec e gadgets de calità.

Estra che la senta zentrèla, la strutura museala tol ite ence l Museo sul teritorie con sia “Sezions locales” che forma n percors etnografich tras i paìjes de la val.

Autra informazions sul museo ladin de Vich ence te visittrentino.info.

Evenc

No l'é evenc en program.

Shop

Newsletter

Per restèr en contat con l'Istitut e l Museo e ciapèr nesc agiornaments te envion a te enscinuèr a nosc nef servije de newsletter.

Privacy Newsletter | Cookies | Privacy | Impressum | Sitemap | P.IVA 00379240229