• 82 

L'ISTITUT CULTURAL LADIN “majon di fascegn”

L’ICL “majon di fascegn” l’é una de la istituzions culturèles che laora per l sostegn de la comunanza ladina, mendranza linguistica che vif tel cher de la Dolomites (Tèlia). Ent funzional de la Provinzia Autonoma de Trent, metù sù del 1975 (statut), l’à sia senta a Sèn Jan (Vich – Val de Fascia) tel veie e gran ”Tobià de la Pieif”, enlongiajù la calonia de la pieif de Fascia.

Anter i fins de sie statut l’é la regoeta, l’ordenament e l studie di materièi che revèrda la storia, l’economìa, l lengaz, l folclor, la mitologìa, la usanzes e la tradizions de la jent ladina.

Amò apede, l’Istitut laora per slarièr fora l lengaz e la cultura ladina tras i media, l colaborea con la scola per valorisèr e svilupèr l’ensegnament del lengaz e l dèsc sie contribut per l’organisazion de n program permanent de alfabetisazion di gregn. (mail).

A l’atività de documentazion e de enrescida corespon na produzion editorièla zis rica, che tol ite l bolatin “Mondo Ladino” (dal 1977), la serie “Mondo Ladino Quaderni” dedichèda al mond de la scola, e amò monografìes, dizionères, regoetes de tesć, libres per bec, cataloghes, materièi audiovisives, per en dut passa 100 tìtoi. (Publicazions, Shop).

L’empegn tel ciamp de la enrescida etnografica à portà a la costituzion del Museo Ladin de Fascia, con sia senta zentrèla averta de messèl del 2001, pont de departida de n percors etnografich tras la cultura de Fascia (Museo sul teritorie).

Evenc

No l'é evenc en program.

Shop

Newsletter

Per restèr en contat con l'Istitut e l Museo e ciapèr nesc agiornaments te envion a te enscinuèr a nosc nef servije de newsletter.

Privacy Newsletter | Cookies | Privacy | Impressum | Sitemap | P.IVA 00379240229