• 49 

CORPUSLAD

NA REGOETA TESTUÈLA PER L STUDIE del LENGAZ

Tel chèder del projet TALES sul tratament automatich del lengaz ladin, metù a jir del 1999 en colaborazion co l’Istituto per la ricerca scientifica e tecnologica (IRST) de Trent, l’é stat metù ensema regoetes organiches de tesć ladins per standard e ti idiomes de val.

Chesta regoeta, che à inom CORPUSLAD, la è stata dò integrèda te la piataforma TALL per otimisèr l'interazion anter i desvalives struments linguistics desponiboi. I corpora che se pel consultèr chiò (de duta la variantes ladines dolomitiches) i tol ite en dut presciapech 15.500.000 paroles. I tesć cernui cour n trat de temp che va da l’800 enscin anchecondì, per la maor pèrt aboncont se trata de tesć scric te la seconda metà del XX sécol. Per aer l dret balanzament anter la desvaliva sorts, l’é stat metù ite tant tesć leterères (prosa, poejìa, teater, memorialistica, tesć sul folclor e la usanzes, libres de orazion), che tesć no leterères (tesć giuridics e aministratives, formulères, tesć de informazion giornalistica, avisc e inserac, tesć de divulgazion scientifica e culturèla, tesć de scola).

Te chest moment l corpus fascian l’é chel lurà fora più de fin. Sia struturazion, che dèsc per vigni test na lingia de informazions utoles (data, origin, sort testuèla, autor e c.i.), la permet de spezifichèr la enrescida per otegnir l mior resultat.

I corpora pel esser consulté tras l concordancer, n strument aposta che se ouc dantdaldut ai linguisć e a duc chi che studia l ladin; con chest strument se pel analisèr i tesć chierian concordanzes, colocazions e frequenzes te la modalità KWIC (Keyword In Context, che vel dir che la parola chierida la vegn moscèda te sie contest).

Evenc

No l'é evenc en program.

Shop

Newsletter

Per restèr en contat con l'Istitut e l Museo e ciapèr nesc agiornaments te envion a te enscinuèr a nosc nef servije de newsletter.

Privacy Newsletter | Cookies | Privacy | Impressum | Sitemap | P.IVA 00379240229