• 75 

DIDATICA DE LA GRAN VERA

En ocajion del prum centené de la Gran Vera, i Servijes Educatives del Museo Ladin de Fascia vel sporjer a studenc e dozenc l met de tor pèrt a ativitèdes didatiches e de formazion leèdes al  cedean de la Pruma Vera che à tocià tel vif la jent e i lesc de nosc raion e soraldut ence de Fascia.

Spazie privilegià per meter a jir i percorsc sarà la mostra, metuda fora a Moena te teater Navalge, che à per tìtol 1914-1918 “La Gran Vera”. La Grande Guerra: Galizia, Dolomites e che porta dant cater sezions te cheles che se pel veder recostruzions n muie scenografiches, vedrines tematiches, tabeles descritives, retrac da zacan e gigantografìes con referimenc al front austro-rus, a la vera da mont su la Dolomites de Fascia e a la grieva situazion vivuda da la jent da chiò.

L’oferta formativa se ouc a la classes de la Scola Populèra enscin a cheles de la Scola Auta e la vel tor dant l’argoment de la Gran Vera tant da n pont de veduda generèl che tras percorsc su argomenc spezifics. Chest tant darà l met de contentèr i besegnes de la scoles da chiò, che les podarà fèr la ativitèdes per ladin, ma ence di gropes de scolees en vijita d’istruzion che vegn da duta la region e dai raions chiò dintorn.

 

 

LA PROPONETES EDUCATIVES

I laboratories metui dant é spartì per argoments e desferenziè per livel de età. Sarà apontin possìbol meter apede n percors de vijità vidèda generèla a la mostra, ùtola desche introduzion, a n laboratorie tematich anter chi metui dant, o ence fèr demò na vijita più spezifica a la sales e sencajo lascèr i laboratories a n’autra scontrèda.

Desćiarea l libret de la Didatica de la Gran Vera, con duta la proponetes educatives, i oraries, la informazions, i cosć e la modalitèdes de prenotazion.

 

Evenc

No l'é evenc en program.

Shop

Newsletter

Per restèr en contat con l'Istitut e l Museo e ciapèr nesc agiornaments te envion a te enscinuèr a nosc nef servije de newsletter.

Privacy Newsletter | Cookies | Privacy | Impressum | Sitemap | P.IVA 00379240229